• IBO 2016, Вьетнамдағы 27 Халықаралық биология бойынша олимпиаданың жеңімпазы, күміс медаль иегері.
• Жалпы білім беру пәндері бойынша Республикалық олимпиада жеңімпазы (I орын), I дәрежелі диплом мен алтын медаль иегері (14-19 наурыз 2016 жыл, Көкшетау қаласы)
• 2013 және 2014 жылдары өткен жалпы білім беру пәндері негізіндегі Республикалық олимпиада  қорытындысы бойынша  III орын және қола медаль иегері (Талдықорған және  Өскемен қалалары) . Барлық жеңістері биология пәнінен.
• Мектепті «Алтын белгімен» аяқтады. Абу-Даби қаласында (Біріккен Араб Әмірлігі) Нью-Йорк университетінде тегін оқуға мүмкіндік беретін  гранттың иегері атанды.

Хоббиі: би, ғылыми-танымал әдебиеттер оқу

Арманы: ғалым болу және өз жаңа ашылуларымен мыңдаған адамдарға көмек көрсету

Табыс формуласы: мақсатқа ұмтылу және табысқа жету

Оқушылар жеңіспен оралды

Алматы қаласы физика-математ ика бағытындағы Назарбаев Зияткерлік мектебінің оқушылары республикалық жалпы білім беретін пәндер бойынша өткен олимпиададан ортамызға жеңіспен оралды. Олимпиада қорытындысы бойынша 10 сынып оқушысы Шелемба Кристина ағылшын тілі пәнінен алтын медальмен (1 орын), физика пәнінен 9 сынып оқушысы Қажымұрат Ақназар күміс медальмен (2 орын), ал биология пәнінен 9 сынып оқушысы Чалышкан Селимжан 3 дәрежелі дипломмен (қола медаль) марапатталды.

«Олимпиадаға қатыссам, халықаралық олимпиадаға дайындайтын іріктелген құрама командаға өту мүмкіндігіне ие болуым мүмкін. Мен осындай жарыстарға әлі де қатысуды жоспарлап отырмын, себебі бұл – үлкен тәжірибе», – дейді  Ақназар. 

Оқушы тек қалалық, республикалық емес, халықаралық математика және физика пән олимпиадаларының жүлдегері екенін атап өту керек. Ақназардың қоржынында марапат аз емес: Қытайда өткен Халықаралық математика олимпиадасында 2 орын, Халықаралық математикалық қалалар турнирінің көктемдік турының дипломы, Халықаралық Пифагор математика олимпиадасында 1 орын. Ал,  тағы бір олимпиада жеңімпазымыз Шелемба Кристинаның айтуынша, олимпиадада жоғары нәтижеге қол жеткізу ағылшын тілін оқудағы үлкен еңбектің арқасында екенін айтты. Кристина мектебіміздің атын республикалық деңгейдегі оқушылар арасында өткізілетін дебаттарда қорғап жүр. Сондай-ақ, ол – Британия Кеңесінің  ұйымдастырған инновациялық жоба сайысының жеңімпазы.

Еске сала кетсек, республикалық олимпиада жаратылыстану-математика  бағыты бойынша 2016 жылғы 14-19 наурыз аралығында Көкшетау қаласында, ал қоғамдық-гуманитарлық бағыты бойынша 2016 жылғы 25-28 наурыз аралығында Петропавл қаласында өткізілді. Daryn.kz  сайтының хабарлауынша, олимпиаданың қорытынды кезеңіне еліміздің барлық аймақтарынан жаратылыстану-математика  бағыты бойынша 735 мектеп оқушысы қатысты. Олимпиада коырытындысында  І дәрежелі дипломдармен – 63 оқушы, ІІ дәрежелі димпломдармен – 99 оқушы, ІІІ дәрежелі дипломдармен – 163 оқушы марапатталды. Қоғамдық-гуманитарлық бағыты бойынша қорытынды кезеңіне еліміздің барлық аймақтарынан 577 мектеп оқушысы қатысты. Олимпиада коырытындысында қазылар алқасының шешімімен  І дәрежелі дипломдармен – 40 оқушы, ІІ дәрежелі димпломдармен – 73 оқушы, ІІІ дәрежелі дипломдармен – 125 оқушы марапатталды.

Шахматшылардың жеңісі

Шахматтан облыс біріншілігі Қызылорда қаласында №1 облыстық олимпиадалық резервтін мамандандырылған балалар мен жасөспірімдер мектебінде өтті. Швейцариялық түрде өткен шахмат жарысында қала және аудандардан келген 24 ойыншы бақ сынасты.  Жарыстың негізгі мақсаты облыс көлемінде шахмат ойынын кеңінен дамыту, салауатты өмір салтын насихаттау болды.

Қызылорда қаласындағы Назарбаев Зияткерлік мектебінің 4 бірдей оқушысы шахмат тақтасында  сайысып,  қарсыластарына төтеп берді. Атап айтқанда, 8 сынып оқушысы Нұржан Асанов  Қазақстан Чемпионы Мейіржан Бармағамбетовқа небәрі 1 ұпай беріп қойып, нәтижесінде жүлделі  ІІ орынға ие болды.  Ал  7 сынып оқушысы Рахат Ералиев ойындағы ерекше комбинацияларымен көзге түсіп, облыс біріншілігінің қорытындысы бойынша  ІV орынға табан тіреді.

Айта кету керек, жүлделі орындардан көрінген жастардан облыс құрамасы жасақталып, олар жасөспірімдер арасында өтетін шахматтан ҚР-ның Чемпионатына қатысуға жолдама алады. Ал жарысқа қатысқан барлық оқушылар облыс біріншілігінен тәжірибе алып, алдағы уақытта талай жарыстарда биіктерден көрінеді деген сенімдеміз. 

Аатотұрақтың жаңа үлгісі

Аймағымызда халық саны артқан сайын, автокөліктер де көбейе түсуде. Бұл өз кезегінде тұрақ орындарының тапшылығына әкеп соғуда. 14 жасар Владимир Коряк әр тұрғын үй алаңында роботтандырылған көлік тұрақтарын салу арқылы тұрақ мәселесін шешіп қана қоймай, автокөліктерге лық толы аулалар санын да азайтуды қарастырған.

«Жобаның идеясы бойынша жүргізуші жылжымалы платформа бекетіне келіп тұрады да, мотор қозғалтқышын сөндіріп, машинадан шығады, мұнан кейін құлтемір-тұрақ иесі машинаның орнын алмастырып, бекеттің керекті бөлімшесіне апарып жеткізеді»,-деп баяндайды жас өнертапқыш.

Жобаның басты жетістігі – көлік тұрағы толықтай автоматтандырылған және іс жүзінде адам көмегінсіз жұмыс жасайды. Владимир тіпті ғажайып бекеттің макетін Lego Mindstormsev3 базасында құрастырып, халықаралық роботтық техникалар көрмесінде таныстырылымын жасамақ ниетте екен. «Біз құрылғыны қайта қарап, тағы да бірқатар қызметтер қосқымыз келеді. Сонымен қатар жобаны патенттеп, қала құрылысымен айналысатын лауазымды тұлғаларға өз ұсынысымызбен шығуды жоспарлап отырмыз»,-дейді жоба жетекшісі Серік Ахметов.

Осыған ұқсас көлік тұрақтары Ресей мен Жапонияда болғаныменен, әзірше Қазақстанда әлі жоқ. Роботтық техника үйірмесінде балалар ондаған түрлі жобаларды құрастырып шығарады. Мұнда адымдап жүре алатын құлтемір және өздігімен табалдырыққа шыға алатын машиналар да бар.

Математика – ғылымдар патшасы

Астана, Алматы, Қостанай және Талдықорған қалаларындағы Назарбаев Зияткерлік мектептерінің оқушылары Әл-Фараби атындағы Қазақ Ұлттық университетінің механика-математика факультетінің базасында «Жібек жолы» және қашықтықтан Азия-Тынық мұхиты математикалық Халықаралық олимпиадаларына қатысты.

Олимпиада наурыздың 7-8 аралығында Алматы қаласында өтті. Аталған олимпиадалардың мақсаты математика ғылымы бойынша дарынды оқушыларды анықтап, біліктіліктерін дамыту, оларға қолдау көрсету.

Талдықорған қаласындағы физика-математикалық бағыттағы Назарбаев Зияткерлік мектебінен  12-сынып оқушылары Пак Георгий, Жұмажанов Дастан, 9-сынып оқушысы Пак Артур  қатысты. «Жібек жолы» Халықаралық математикалық олимпиада және қашықтықтан Азия-Тынық мұхиты математикалық халықаралық олимпиада қорытындысы бойынша  Пак Георгий ІІІ дәрежелі екі дипломның иегері атанды, ал Пак Артур жақсы нәтиже көрсетіп, қашықтықтан Азия-Тынық мұхиты математикалық халықаралық олимпиада бойынша ІІІ дәрежелі дипломның иегері атанды.

«Аталған олимпиадаларға бірінші рет қатыстым. «Жібек жолы» бойынша халықаралық олимпиаданың тапсырмалары Азия-Тынық мұхиты математикалық халықаралық олимпиада тапсырмаларына қарағанда әлдеқайда қиын болды. Маған механикалық жолмен шешуге болатын ойландыратын тапсырмалар ұнайды және мен үшін есептің нәтижесі маңызды. Өз біліктілігімді тексеріп, бойымдағы кемшіліктерімді ескере келе, мен үздік те тәжірибелі болуға ұмтыламын» - деп, өз пікірімен бөлісті 12 сынып оқушысы Пак Георгий. 

Талдықорған қаласындағы физика-математикалық бағыттағы Назарбаев Зияткерлік мектеп оқушыларының жеңісі

2015 жылы наурыз айының 13-18 аралығында Орал қаласында жаратылыстану-математикалық бағыттағы жалпы білім беретін пәндер бойынша республикалық олимпиаданың ІV кезеңі өтті. Республикалық олимпиадаға біздің мектебіміздің оқушылары да қатысқан болатын. Математика пәні бойынша 8-сынып оқушысы Пак Артур; 11-сынып оқушылары Ким Дмитрий, Пак Георгий, Жумажанов Дастан; Физика пәні бойынша 9-сынып оқушысы Дикун Дмитрий, 

11-сынып оқушысы Рудич Игорь; Информатика пәні бойынша 9-сынып оқушысы Козлов Андрей; Биология пәні бойынша 9-сынып оқушылары Калачева Надежда, Адылхан Арай; Химия пәні бойынша 9-сынып оқушысы Моргунов Антон; 12-сынып оқушысы Шахман Дінмұхамед қатысты. Зияткерлік сайыста мектеп командасы өз білімдерін жоғары дәрежеде көрсетті. 

«Өнерім-өмірім»

Ұлы Жеңістің 70 жылдығына, Қазақстан халқы Ассамблеясының 20 жылдығына және Қазақстан Республикасы Конституциясының 20 жылдығына орай І.Жансүгіров атындағы мәдениет сарайында «Өнерім-өмірім» атты Республикалық вокалды-хореографиялық байқау өтті.

Байқаудың мақсаты елімізде тұратын әр түрлі ұлт өкілдерінің биін таныстыру, қатысушылардың орындаушылық шеберліктерін дамыту, шығармашылық деңгейін көтеру және олардың эстетикалық талғамдарын қалыптастыру болып табылады. 

Робототехника бойынша II Республикалық олимпиада жеңімпаздары

Талдықорған қаласындағы физика-математикалық бағыттағы Назарбаев Зияткерлік мектебінің оқушылары Сартбаев Ратмир, Талғат Бек, Алексеев Анатолий және робототехника пәнінің мұғалімі Авдюнин Николайдың жетекшілігімен WRO – 2015 робототехника бойынша Республикалық олимпиадада II орын иеленді. Астана қаласында өткен Республикалық олимпиадаға Қазақстан бойынша 150- астам оқушы қатысты.

ДББҰ «Назарбаев Зияткерлік мектептері» басқарма төрағасының орынбасары Испусинова Светлана Багитовнаның сөзіне сүйенсек, олимпиада ХАТУ (Халықаралық ақпараттық технологиялар университетінің) көмегімен өтті. Жарыс сегіз категориядан тұрды, біздің балаларымыз қазылар алқасына мұнайды табуға арналған «Роботтандырылған мұнайды барлайтын платформа» деп аталатын шығармашылық жоба ұсынды.

Оқушылардың сөзіне сүйенсек, аталған жоба потенциялдық-қауіпті аймақтарда мәселен, шөлді жерлерде немесе Антрактидада мұнай кен орнын табуға арналған. Робот автономды режимде белгілі бір территорияны зерттеуге қабілетті және мұнай кен орны бар аймақтарды анықтай алады. Ұңғыманы бұрғылау жұмыстарын жасайды, сонымен қатар өзінің арнайы сорғыштары арқылы мұнай құрамы мен сапасын игеру үшін мұнай түрлерін өндіреді. 

«Балауса белесі» жыр жинағы жарық көрді

Ақындық өнер талант пен шабыттың тамаша үйлесуімен туатын ерекше өнер. Бүгінде жастардың ақындық өнерге, шығармашылыққа, білімге деген ынталары зор.  Талдықорған қаласындағы физика-математикалық бағыттағы  Назарбаев Зияткерлік мектебінің кітапханасында  қазақ өлеңінің өркендеуіне өзіндік үлес қосып жүрген жастардың бірі, мектебіміздің түлегі, әлеуметтік жобалардың белсенді мүшесі, «Википедия»  клубының бірінші Президенті, жас ақын

Құдайберген Дәулеткерей Көптілеуұлының «Балауса белесі» атты өлеңдер жинағының тұсаукесер рәсімі өтті. Мұндай рәсім біздің мектебіміздің тарихында алғаш рет болып отыр. Жинаққа ақынның 100-ге жуық өлеңі енді. Дәулеткерей алғашқы өлеңін 8  жасында  ұстазына арнап жазған болатын. Бұл жинақ мектеп әкімшілігінің қолдауымен басылып шықты.

Жас ғалымдардың ІХ Республикалық «Экология бойынша бизнес жоба» сайысында Гран-при

2015 жылы 13 және 14 мамырда Алматы қаласында өткен Жас ғалымдардың ІХ Республикалық бизнес жобалары сайысында Шымкент қаласы химия-биология бағытындағы Назарбаев Зияткерлік мектебінің 7 «B» сынып оқушысы Ашим Диана «Экологиялық туризм және туған өлке тарихы» тақырыбындағы жобасымен «Ең үздік инновациялық жоба» ретінде танылып, осы сайыста Гран-при сыйлығын жеңіп алды.

Сонымен қатар Дианаға конкурсты ұйымдастырушы «Жастар жетістігі» («Junior Achievement») Альтернативті білім беру Қоғамдық Қорының атынан естелік сыйлықтар және сайыстың демеушісі «Chevron-Munai» компаниясының атынан жобаны жүзеге асыру үшін құны 170 000 теңгені құрайтын чек тапсырылды. Диананың ғылыми жетекшісі, тарих пәні мұғалімі Әлжан Бахыт Әмірбекқызы алғыс хатпен марапатталды.

Бұл байқауға барлығы 12 аймақтан 128 жоба келіп түсті. Жұмыстар келесі критерийлер бойынша бағаланды: өзектілігі мен нақты тәжірибелік, әлеуметтік мәні бар нәтижеге бағытталғандығы, өзіндік ерекшелігі мен жаңашылдығы, жоба шынайылығы мен тұрақтылығы, іске асыру жоспары мен жұмыс кестесінің болуы, идеядан енгізуге дейін өзіндік әзірлемесі, жеке ресурстар қолдануы, басқа да тұлғалар мен ұйымдармен ынтымақтастығы, қаржыландырудың негізділігі мен шынайылығы.  

Лайықты жеңіс!

Өскемен қаласы химия-биология бағытындағы Назарбаев Зияткерлік мектебінің 12 «А» сынып оқушысы Ибрагим Советбеков жаратылыстану-математика пәндері бойынша VIII Президенттік олимпиадасының жеңімпазы атанды! Қорытынды бойынша ол III дәрежелі дипломмен және қола медальмен марапатталды.

Президенттік олимпиаданың екі кезеңі 23-26 қараша күндері Теміртау қаласында өтті. Бірінші кезеңде математика және химия пәндерінен болса, екіншісі кезенде физика және биология пәндерінен тапсырмалар болды. Ибрагим Советбеков оларды сәтті орындап, III орынды иеленді. Оған дейін онлайн іріктеу кезеңінен өткен, Қазақстанның түкпір-түкпірінен келген 160 оқушылар айтулы олимпиадаға қатысты.

Дарынды баланың портфолиосы дипломдарға, мақатау қағаздарға және сертификаттарға толы. 2012 жылы Будапешт қаласында (Венгрия) өткен «Шексіз математика» және «Ұлы математиктер жолымен» халықаралық олимпиадаларда ол II и III орын иеленді. 2013 жылы Мәскеу қаласында (Ресей) «Ақпараттық технологиялар» X Халықаралық олимпиадада жүлделі орын алды. 2014 жылы, ол Семей қаласында ғылыми жобаның I республикалық байқауының лауреаты атанды. 2015 жылы Тараз қаласында «Жас Дарын» ғылыми жобалар республикалық байқауынада тағы бір мәртте жеңімпаз болып, II орынды иеленді.

Өткен оқу жылында оқушы 3D-графикасын және мектептің 3D принтер жұмысын игерді. Ол үшін мектеп әкімішілігі Ибрагимге ДББҰ «Назарбаев Зияткерлік мектептері» ұйымдастырған Сан-Франциско қаласына (Калифорния, АҚШ) «Ойлау дизайны» курсына жолдама берді. Бұл оның инженер-құрастырушы болу арманын нығайтты. Болашақ түлек Назарбаев Университетіне түсіп, оны аяқтағаннан кейін Стэнфорд университетінің магистратурасында білім алуды жоспарлап отыр.

Ибрагим Советбеков 2010 жылы Өскемен қаласындағы Назарбаев Зияткерлік мектебінің ашылу алдында тестік сынақтан сәтті өтіп, алғашқы үштігінде болды. Облыстық орталықтан шалғай орналасқан Абай аудандының Көкбай ауылында туған Ибрагимге өзінің зияткерлік қабілеттерін дамытуға жылдар бойы алған білімі көп септігін тигізді.

Негізгі пәндер бойынша Халықаралық олимпиаданың қола жүлдегері

Талдықорған қаласындағы физика-математикалық бағыттағы Назарбаев Зияткерлік мектебінің бастауыш сынып оқушылары жыл сайын негізгі пәндер бойынша сырттай өтетін Халықаралық олимпиадаға белсенді қатысып келеді. Бейкоммерциялық дербес ұйымның ұйымдастырушылары «Орал федералдық аймақ мұғалімдер үйі», Ресей, Екатеринбург. Олимпиадаға Қазақстан, Ресей, Беларусия, Германия, Таджикистан, Украина, Турік,Чехия мемлекеттерінен келген оқушылар қатысты. 

Биылғы жылы Талдықорған қаласындағы Назарбаев Зияткерлік мектебінен 203 оқушы қатысты. Оларға 6 пән бойынша таңдау ұсынылды. 1-4 сыныптарының оқушылары математика, информатика, ағылшын, орыс тілдері, әдебиет, қоршаған орта пәндері бойынша өз білімдерін сынады. 5- сынып оқушылары үш пән таңдады.

Олар: математика, ағылшын, информатика. Олимпиада бір жыл бойы өтті, үш кезеңнен тұрды. 

Негізгі пәндер бойынша Халықаралық олимпиаданың қорытындысында финалға 5-сыныптан 45 оқушы өтті. 5С сыныбының оқушысы Сайлібеков Әділ ағылшын тілі пәнінен қола медальмен марапатталды, ал 23 оқушы 1,2,3 дәрежелі дипломдарға ие болды.

V Республикалық астрономиялық турнирдің жүлдегерлері

Оқушылардың астрономия, физика ғылымына, ғарыштық білімге деген қызығушылығын, Ғарыш туралы және ғарыштық технологиялар туралы ілімді тәжірибеде қолдана білуге үйрету, талантты оқушыларды анықтау мақсатында Қазақстан Республикасы Білім және ғылым министрлігі «Бөбек» ҰҒПББСО жыл сайын республика оқушылары арасында астрономиялық турнир өткізіп келеді. 2015 жылы 4-10 қазанда Алматы қаласында «Бөбек»  ҰҒПББСО-да V Республикалық Астрономиялық турнир өткізілді.

Турнирге республика бойынша Ақмола, Жамбыл, Қарағанды, Алматы, Қызылорда, Атырау, Шығыс Қазақстан, Батыс Қазақстан, Солтүстік Қазақстан облыстарынан, Алматы және Астана қалаларынан 19 команда қатысты. Алматы қаласындағы химия-биологиялық бағыттағы Назарбаев Зияткерлік мектебінен 4 оқушыдан тұратын 8-9 сынып оқушыларынан құралған команда қатысып, жүлделі ІІІ орынды иеленді. Турнирдің салтанатты жабылуында команда мүшелері ІІІ дәрежелі дипломдармен марапатталды:

– Анапияев Санжар, 9А сынып оқушысы; 

– Тынышбек Ерасыл, 9А сынып оқушысы;

– Нокенов Жасулан, 8Е сынып оқушысы;

– Нагашпеков Адильмурат, 8Е сынып оқушысы.

Бекарыс Асланбекұлы дойбыдан әлем біріншілігінде ең үздік атанды

Ақтөбе қ. «физика-математика бағытындағы Назарбаев Зияткерлік мектебінің» оқушысы 24 қырқүйек пен 6 қазан аралығында Сочи қаласында өткен орыс дойбысының XXIV әлем біріншілігіне қатысқан болатын. Бұл біріншілікке Ресей, Қазақстан, Украина, Абхазиямен қатар басқа мемлекеттердің ең үздік дойбы ойыншылары қатысты.         

9 «B» класс оқушысы Бекарыс Асланбекұлы тамаша ойын көрсетіп, екі бірінші орын және бір екінші орын жеңіп алды:

1 орын – негізгі және жылдам ойын номинациясы бойынша,

2 орын – өте жылдам ойын ойын номинациясы бойынша.

10 жасынан бастап дойбымен айналысып жүрген Бекарыс, 13 жасында спорт шеберіне үміткер атанған.