Баспасөз-қызметі

Астана қаласындағы Халықаралық мектептің түлегі Акрам Сафиязов Халықаралық бакалавриаттың дипломдық бағдарламасы (International Baccalaureate Diploma Programme, IB DP) бойынша емтиханда максималды 45 ұпай жинады. Әлем бойынша мұндай нәтижеге сынақ тапсырушылардың тек 1% ғана қол жеткізе алады.

IB DP бағдарламасының емтиханы әлемдегі ең күрделі білім беру емтихандарының бірі. Бағдарлама алты пәнді қамтиды, сондай-ақ зерттеу жұмысын орындау, таным теориясы курсын өту де маңызды. Оқушылардың терең білімі мен аналитикалық дағдылары да талап етіледі.

– Бұл нәтиже Акрамның табанды еңбегі мен жоғары академиялық дайындығының дәлелі, – деп атап өтті Астана қаласындағы Халықаралық мектеп директоры Айдар Болатов.

– Мен QS World University Rankings бойынша әлемде 34-орында тұрған University of British Columbia және әлемде 83-орында тұрған Цюрих университеті сияқты АҚШ-тың беделді 8 университетінен грант алдым. Халықаралық бағдарламаға дайындалу барысында көрсеткен қолдаулары мен көмектері үшін ұстаздарыма алғыс айтқым келеді. Сонымен қатар мектепте қоғамдық істермен айналысуға мүмкіндік болды, – деп атап өтті Акрам.

Сонымен бірге елордадағы Назарбаев Зияткерлік мектебінің түлегі Альнұр Сағат IB DP бағдарламасының емтихандарынан максималды 45 ұпайдан 44-ін жинады. Альнұр толық қаржыландырумен АҚШ-тағы Лихай университетіне түсті.