Еншілес ұйымдар және филиалдар

«Даму Қоры» корпоративтік қоры (бұдан әрі – Қор) 2012 жылдың 29 ақпанында «Назарбаев Зияткерлік мектептері» дербес білім беру ұйымының Қамқоршылық кеңесінің шешімімен құрылды. Қордың мақсаты – қоғамды әлеуметтік, мәдени, білім беру, ғылыми-зерттеу, ғылыми-техникалық, қайырымдылық, инновациялық, басқарушылық және өзге де қоғамдық пайдалы салаларда дамыту, сонымен қатар «Назарбаев Зияткерлік мектептері» дербес білім беру ұйымы мен оның еншілес ұйымдарына жарғылық мақсаттарын жүзеге асырып, қол жеткізуге ықпалдасу, осы мақсаттарда ерікті мүліктік жарналар, өзге де заңмен тыйым салынбаған түсімдер негізінде мүлікті қалыптастыру.

1. Қазақстанда тұлғаның зияткерлік және шығармашылық дамуы үшін жағдай жасау.

2. Кең қатар әлеуметтік, мәдени, білім беру, қайырымдылық, ғылыми-зерттеу, ғылыми-техникалық, инновациялық міндеттерді шешу үшін үлкен мәнге ие жобаларға қатысу.

3. Әлеуметтік, мәдени, білім беру, қайырымдылық, ғылыми-зерттеу, ғылыми-техникалық, инновациялық салаларда стипендиялар, гранттар және өзге де іс-шараларды тағайындап, қаржыландыру және/немесе басқару.

4. Қордың осы Жарғыда қарастырылған қызмет ету мәніне сәйкес тапқан табысын қолдану үшін басқарушылық міндеттер.

5. Қоғамда құрылтайшының құндылықтары мен идеяларын насихаттау.

6. Шетелдік жеке және заңды тұлғаларды, қоғамдық және өзге де ұйымдарды қоса алғанда жеке және заңды тұлғалардан, қоғамдық және өзге де ұйымдардан қаражат тарту (ерікті жәрдемдер, демеушілік қаражаттар, гранттар жане т.с.с.), оның ішінде мақсаттық капиталды (эндаумэнтті) қалыптастыру және франчайзингтік қызмет үшін.

7. Оқуды, ғылыми-зерттеу және кәсіптік тағылымдамадан өтуді, көрмелерге, конференцияларға, симпозиумдарға және өзге де шараларға қатысуды қаржыландыру арқылы елдегі жоғары кәсіби және бәсекеге қабілетті кадрларды мақсатты даярлауды қамтамасыз етуге қолдау көрсету.

8. Мектеп оқушыларын және Құрылтайшы мен оның ұйымдарының қызметкерлерін әлеуметтік қамтамасыз ету.

Мекен-жайы: Астана қаласы, Хусейн Бен Талал көшесі, 21/1.

Электрондық пошта: info@cf.nis.edu.kz

Телефон: 87172 235700 (ішкі 1021)