Виртуальная школа

Виртуалды мектеп - бұл қашықтықтан білім беру технологияларын пайдаланып, оқушыларға Зияткерлік мектептердің бейіндік пәндерінен онлайн режимде оқуға мүмкіндік беретін қосымша білім беру жобасы.

Виртуалды мектептің мақсаты – 5 және 6 сынып оқушыларын «Өркен» білім беру гранты бойынша Назарбаев Зияткерлік мектептерінің 7-сыныбында оқуға конкурстық іріктеуге дайындау үшін тегін білім беру платформасын ұсыну.

Виртуалды мектептің «Математика», «Қазақ тілі», «Орыс тілі», «Ағылшын тілі», «Жаратылыстану» пәндері бойынша оқу бағдарламалары оқытудың тиімділігін арттыруға, қажетті дағдыларды дамытуға және мотивацияны арттыруға және Назарбаев Зияткерлік мектебіне түсуге дайындықты бастау мүмкіндік береді. Оқу аяқталғаннан кейін қашықтан онлайн форматта өтілген тақырыптарды бекітуге арналған тапсырмаларды орындау және қорытынды тесттен өту қажет.

Қорытынды тестілеуде ең жоғары баллдың 50 және одан да көп пайызын жинаған оқушылар каникул кезінде Назарбаев Зияткерлік мектептері базасындағы Каникулярлы мектепке шақырылады.

Виртуалды мектепке тіркелу :

- 5-сынып – I жартыжылдықта;

- 6-сынып – II жартыжылдықта vs.nis.edu.kz сайтында жүргізіледі.

Виртуалды мектеп кестесі www.nis.edu.kz сайтында «Хабарландыру» бөлімінде.

Виртуалды және Каникулярлы мектептерінде оқу туралы толық ақпаратты vs.nis.edu.kz сайтынан табуға болады.