Баспасөз-қызметі

Қостанай қаласындағы NIS-тің информатика пәні мұғалімі Борис Зеленов бірегей зияткерлік жобаға авторлық куәлік алды. Бұл – бағдарламалауды үйреніп жүрген жоғары сынып оқушыларына арналған қаржылық сауаттылықты дамыту курсының бағдарламасы. Өнертабыс қаржылық мінез-құлықты және жеке ақшаны басқаруды қалыптастыруға, сонымен қатар мета-пәндік құзыреттіліктерді, алгоритмдік ойлауды, есептеу дағдыларын және цифрлық сауаттылықты дамытуға ықпал етеді.

 

Борис Зеленовтің пікірінше, әрбір мектеп оқушысына жеке бюджетті құру, несиелер мен депозиттерді пайдалану, есеп айырысу және кассалық операцияларды жүргізу, сақтандыру, инвестиция, зейнетақы және салықтар сияқты ұғымдарды білу, өз қаржысын басқару дағдыларын үйрету қажет:

 

– Ішкі зерттеулерге сәйкес, курс әзірленген кезде Қазақстандағы қаржылық сауаттылық деңгейі 39,52% құраған. Бұл қаржылық сауаттылықты мектеп кезінен дамыту керектігін көрсетеді.

 

Курстың мазмұны информатика, математика, экономика, қауіпсіздік негіздері және өмір сүру сияқты пәндерді біріктіруге мүмкіндік береді. Бағдарлама оқу-анықтамалық әдебиеттермен өзіндік жұмыс процесінде жобалау және зерттеу дағдыларын, сондай-ақ өзін-өзі оқыту және өзін-өзі реттеу дағдыларын дамытуға бағытталған.