Баспасөз-қызметі

Қазақстан құрамасы Халықаралық экономика олимпиадасында (IEO) үздік он мемлекеттің қатарына енді. Отандық командадағы 5 қатысушының үшеуі – Назарбаев Зияткерік мектептерінің оқушылары.

Ақтөбедегі NIS-тен Айдархан Жұбатқан күміс еншілесе, Астанадағы Зияткерлік мектептің оқушысы Томирис Ыдырысбаева мен Қарағандыдағы NIS оқушысы Батырхан Мұхтархан қола медальдарға ие болды.

Айта кетейік, International Economics Olympiad биыл Гонконгте өтті. Білім бәйгесіне әлемнің 53 елінен 250-ден астам оқушысы қатысты. 2023 жылы Қазақстан құрамасы жалпыкомандалық есепте 21-орында және бизнес-кейс бойынша 22-орында болса, осы жылы оқушылар ең үздік ондыққа, бизнес-кейс бойынша үздік 7 команда қатарына кірді. Бұл нәтижеге экономика бойынша олимпиадалық резерв арасында алғаш рет өткізілген іріктеу мен оқу-жаттығу жиындарының арқасында қол жеткізілді.