Баспасөз-қызметі

Назарбаев Зияткерлік мектептерінің 7 сыныптарында оқуға үміткерлерді конкурстық іріктеу 2022 жылғы 14-15 сәуірде өтеді.

Тестілеу құрылымы

Тіркеу орталықтандырылған түрде Нұр-Сұлтан қаласының келесі уақытымен жабылады:

1 ауысым үшін сағат 09:31

2 ауысым үшін сағат 16:01

Тіркеуге кешіккен үміткерлер көрсетілген уақыттан кейін тестілеуге жіберілмейді.

Үміткерде өзімен бірге келесі заттар болуы керек:

1. рұқсат қағазы;

2. қара сиясы бар шарикті қалам (гельді емес);

3. зат таңбасы жоқ бөтелкеде су алуға болады.

Тыйым салынған заттар.

Тестілеу кезінде келесі заттардың болуына жол берілмейді:

• ұялы телефон
• кітаптар
• сызбалар
• фото/бейне құрылғылар
• сөздіктер
• циркуль
• қарындаштар мен өшіргіштер
• маркерлер
• сызғыштар
• сөмке
• тамақ және сусындар (судан басқа) - жазу құрылғылары
• калькуляторлар
• блокноттар
• басқа электрондық құрылғылар (смарт-сағат)
• құлаққаптар
• кепка, шапкалар

Тыйым салынған заттардың бар-жоғын алдын ала тексеріп, оларды үйде қалдыруыңызды сұраймыз!

Үміткерде тестілеу кезінде тыйым салынған заттар табылған жағдайда үміткер аудиториядан шығарылады және оның тестілеу нәтижелері жойылады.