Семей қ. физика-математика бағытындағы мектебі

Семей қаласындағы физика-математика бағытындағы Назарбаев Зияткерлік мектебі


Семей қаласындағы физика-математика бағытындағы Назарбаев Зияткерлік мектебі 2009 жылдың 13 қыркүйегінде ашылды.

Мектептің сыйымдылық орны - 1200 орын

Ғимараттың жалпы ауданы - 8820 шаршы метр

Мектептің жалпы ауданы - 36247 шаршы метр

2013 жылдың наурыздағы мәліметтер бойынша мектепте 764 оқушы тәлім алады. Мектепте арнайы байқауға қатысып, конкурстық іріктеуден өткен 109 ұстаз білім береді.Сарапшы ұстаздар саны 11,99% , Ұстаз-модератор  саны  34,88% , ұстаздар саны   47,96%,  машықтанушы  ұстаздар саны  23,98 %.

Семей қаласындағы физика-математика бағытындағы мектептің ерекшелігі физика-математика пәндерін тереңдетіп оқыту және оқушыларды патриоттық тәрбиелеу.

Мектеп кабинеттері оқытуға қажетті барлық құралдармен қамтамасыз етілген, оның ішінде физика, химия, биология аудиториялары халықаралық талаптарға сай соңғы құралдармен жабдықталған.

2011-2012 оқу жылынан «Team-teaching» оқыту қағидасы (мектепте шетелдік педагогтар сабақ береді) ендірілуде, яғни, сыныпта екі мұғалім - ағылшын тілінде сөйлейтін мұғалім және пән мұғалімі бірігіп сабақ жүргізеді. Бұл оқушылардың пәнді ағылшын тілінде толық игеруіне жағдай жасайды.

2011-2012 оқу жылынан Кембридж университетінің Халықаралық Емтихан Кеңесімен бірлесе отырып, оқушылардың білімін бағалаудың критериалдық жүйесі енгізіле бастады.

2012-2013 оқу жылынан «Назарбаев Зияткерлік мектептері» ДББҰ Кембридж университетінің Халықаралық Емтихан Кеңесімен бірлесе отырып құрастырған оқу бағдарламасы ендіріле бастады.

Мектеп оқушылары шетелге Ұлыбритания, АҚШ, Италия, Сингапур білімдерін жетілдіру және электив курстарына жіберілуде.

Мектеп мұғалімдері шетелге Ұлыбритания, АҚШ, Италия, Сингапур кәсіби біліктіліктерін арттыру курстарына жіберілуде.

Оқушының жан-жақты дамуына және денсаулығын сақтауға бағытталған арнайы үйірмелер ашылған. Оқу толық бір күндік болғандықтан, мектепте үш мезгіл тамақтандыру да қарастырылған.

Мектеп түлектері Назарбаев Университетіне және басқа да қазақстандық және шетелдік жоғары оқу орындарына түседі.

Мекен жайымыз: Семей қаласы, Қабылбаев көшесі, 32  

Қабылдау бөлмесі: 8 (7222) 53 24 33

Электрондық поштамыз: [email protected]

Веб-сайт: sm.nis.edu.kz  


Қаралым: 22346